Eusko Jaularitzak zerbitzu hau eskaintzen du, adineko pertsonaren , bere familiaren eta ingurukoen lasaitasunerako. Izan ere, zerbitzuak modu independentean bizitzen laguntzen du, botoi gorriaren bestaldean norbait beti edukitzeak ematen duen segurtasunarekin.Tresna sinplea da, eta erabiltzailearen telefono-lineara konektatuta dago. Horrela, egunean 24 ordutan eta urteko egun guztietan, etengabeko arreta ematen du.
Nori zuzenduta dago?
- 65 urtetik gorako pertsonak mendekotasun-egoeran edo mendekotasun arriskuan daudenak.
- Bakarrik bizi diren 75 urtetik gorako pertsonak.
- Urritasun intelektuala, fisikoa edo sentsoriala edo buru-gaixotasuna daukaten eta mendekotasun-egoeran dauden pertsonak.
- Sozialki baztertuak izateko arriskuan dauden pertsonak.
